نطاق العمل
قبل بداية أي مشروع بنتفق على سيناريو مكتوب بيحدد الشاشات والعمليات والتقارير المطلوبة. أي طلب خارج السيناريو ده بيتحسب كإضافة وبيتسعّر لوحده — عشان الاتنين نبقى عارفين إحنا متفقين على إيه بالظبط.
مدة التسليم
المدد المكتوبة على صفحات المنتجات هي مدة التنفيذ بعد استلام كل البيانات والمتطلبات من العميل. أي تأخير في تسليم البيانات بيأجّل التسليم بنفس المدة.
الدفع
الاتفاق بيبدأ بمقدّم، والباقي بيتقسّم على مراحل التسليم. الأسعار المعروضة على الموقع أسعار إرشادية وممكن تتغيّر حسب حجم التخصيص المطلوب.
الضمان والصيانة
أي خطأ برمجي في النطاق المتفق عليه بيتصلّح بدون تكلفة إضافية. عقود الصيانة السنوية اختيارية وبتصل لـ ١٥٪ من قيمة العقد كأقصى نسبة، وبتشمل دعم فني وتقارير إضافية وتدريب موظفين وضمان ضد العيوب البرمجية.
ملكية النظام والبيانات
بياناتك ملكك بالكامل، وبنسلّمها لك بصيغة قابلة للاستخدام في أي وقت تطلبها.